بیزلر اینسان اولوغوموزو ایناندیغیمیز سوره ده (زامان آنلامین داشیان بیر سوزلوک ) دونیانین

 هر هانگی یانیندا اولسادا گوزلردن بیر دامجی یاشین آخماسی بیزلری ایلگی لن دیرملی دیر .

سودان دا برمه ده فلسطین ده اینسانی آغیر حایات ساواشی وئرن لردن اولوشان

تا بیز کیمی اولکه لرده مدنی حاقلار اوزره قورولان توپلانتی لار میتینگ لر قووشمالارا

قدر اینسان دئدیگین هر کیمسه نین- آنلایش گورست مه سین ایلگی باغلاماسین ایسته ییر.

ــــــــــــــــــــــــــــــــــــــــــــــــــــــــــــــــــــــ

۱)

سس سیزلیگیمدن اون باشی وارمیش دئو اوخشادین

قان گوزلرینده سویلدی رحمت لیک آغلادین

بیچاره واژه لر اولار اولماز حوالی سین

یول دویدولر سوز اولمادا آغزیندا تاپدادین

عشقین اینیلتی سینده سعادت گوزللیغین

چالسایدیلار دا سن قورولان درده اوینادین

یوزلرجه قان قوسان اولسایدی ضجه سیز

میللت دوشونجه سین اودون اتدین آلولادین

بیر دامجی گوزیاشیندا دنیز لر یتیم قالیب

چایلار آخیردی دولدورا گوزلرده ساخلادین

حق سوز دانیشمامیشدی بو شاعر تفاله سی

بیلم بو قیش قولی نیه کسدین نه باغلادین

***

ایندیسه زیروه دن باخیرام چئینیرم سنی

باخ گوردوغون دوزن پوزوولارمیش اینان مادین

 ــــــــــــــــــــــــــــــــــــــــــــــــــــــــــــــــــــــــــــــ

۲)

قاپینی اورتوب یولا دوشدوم

سنه سوز وئرمیشدیم

سوزوم سوزدو

اما کوچه نیزین باشینا یئتیشمه دن دوندوم

اوره گیمی

یولدا سالمیشدیم